AAKHIR HUM LADKIYO KE SAATH HI AISA KYU????????

21vi Shatabdi mein hum pauch gaye hain lekin soch wahi choti ki choti, hamara samaj bahut badi badi batein karta hai,aaj bhi ladkiyo ko raaste mein chalne se dar lagta hai..kyun koi bhi hume achi nazron se nahi dekta ???????kya unke ghar me unki maa,behan nahi hai kya?kab hum bhi khule aasman ke neeche jab man kare tab ghuum sakenge ,par kya kabhi aisa din ayega??????

Kal raat ki baat hai mein aur mummy scooty se Alambagh se wapas ghar aarahe the waqt tha lagbhag 8:30 baje,mein scooty thoda dheere chala rahi thi ki tabhi alambagh bus station aaya aur ek aadmi road cross karne ke liye aage aaya achanak us aadmi ne meri taraf jhuk kar jaan bujh kar apna pan masale se bhara mu mere upar poora thook diya,road chalti firti thi aur mein raaste mein scooty rok bhi nahi sakti thi,to maine ek kinare par scooty roki, mein kuch samaj paati is se pehle wo aadmi divider par chadh ke bhaag gaya,maine uska peecha karne ki koshish ki lekin meri koshishe bekar thi….meri white T-Shirt red colour mein badal chuki thi,meri aankhon mein aansu the isliye nahi ki T-Shirt kharab ho gayi balki isliye ki mein us aadmi ko pakad nahi paayi,5min baad ek police wale uncle aaye unhone mummy se pucha ki kya hua mummy ne unhe bataya aur wo saari batein sun kar chale gaye,unhone ek baar bhi us aadmi ko dhundne ki koshish nahi ki,ye sab ghatna alamgah thane ke kareeb hi hui…..

Lucknow ko tehzeebon ka shahar mana jata hai,par kya ye ghatna sun neke baad log lucknow ko tehzeebon ka shahar bol paayenge??????????????? mein koi pehli ladki nahi hun jiske saath aisa hua hai,har ladki ke saath roz kuch na kuch batmeezi hoti hai,par awaz bahut kam log hi utha paate hai,kal agar wo aadmi pakda jata to dubara uski kabhi mu khole tak ki bhi heemat  naa hoti,tab use ladkiyo se batmezi karne ka sabak mil jata,par kal uska din tha aur wo bhaag gaya,par meri har ladki se yahi guzarish hai ki kabhi bhi kuch sahen nahi balki uska muuh tod jawab de,tabhi aise logo ko sabak milega!!!!!!!!!!!

JISKE DUM SE ZINDAGI JEENI HUMNE SEEKHI..................

Hum sabki zindagi mein wo din zarur aaye honge jab hum school jaate honge,wo mummy ka subah subah school jaane ke liye jagana,hamara zabardasti uthna aur school na jaane ke bahane dhundna.Fir  school jaane ke liye mummy ki daat sun na aur aakhir mein zabardasti school jaana aur agar school mein late ho jaao to kya baat,aadhe time class ke bahar hi khade rehna aur diary mein I will not come late again likhna wo bhi 500 baar aur agar apki favourite teacher aapko dekh le to uss par sone pe suhaaga, dil to karta tha ki kaha chuup jaaye par kuch kar bhi to nahi sakte the,haan wo teacher jis se hum bahut pyaar karte hain wo agar sir pe haath phaer kar kahe ki bachha aaj phir late ho gaye,kal time se aana,to man me kitni khushi hoti thi,yeh to wo bacha hi jaanta hoga,kuch isi tarah meri bhi kahani hai…………………………………..

         Mere school mein ek teacher thi jo mujhe bahut pasand thi unka naam Anju thaw o mujhe maths padhati thi aur mein unki favourite student bhi thi.Haan school time mein jo bandishe thi wo mujhe bilkul pasand nahi thi,jaise class mein baatein naa karo,idhar udhar mat ghumo,galti naa hone par bhi daant suno,pyaas lag jaaye to uske liye bhi pooch ke paani piyo mam may I drink water??etc etc.

Par meri maths teacher in sabse alag thi,unhe in baton ki parwah nahi thi,wo hum logo ko baatein karne par daat ti nahi samjhati thi,kehti thi dheere dheere karo,mam ke padhane ka andaz itna alag tha ki mujhe maths subject pasand naa hone ke baad bhi acha laga aur phir maine 12^th maths subject le kar hi kiya,phir mera admission LU mein hua Journalism and mass communication department mein,bahut kam logo ke saath aisa hota hoga ki wo jo chahe wo use mil jaaye,mera sapna tha ki muje LU mein bhi ek friendly teacher mile,aur mera sapna pura bhi hua,Dr.Mukul Sir ke saath,pehle semester ke baad ye mera aakhiri semester hai ki mujhe unki class karne ka mauka mila hai hum especially unki class hi karne college aate hain,unka padhaane ka andaaz bahut bahut different hai,class ka 1 ghante ka time kaise nikal jaata hai pata hi nahi chalta,unki class mein hum aj tak kabhi bore nahi hue, is se hi andaza lagaya jaa sakta hai ki unki class kitni achi hogi bahut maza aati hai jab wo hamare subject se related topic hume samjhaate hain wo bhi example ke saath,aur time time par puchte bhi rehte hain ki zyda to nahi ho gaya,??pata nahi kyu unse mujhe ek positive enery milti hai,unhone hum sabse apne experiences share kiye hain ki wo kya padhna chahte the kya ban na chahte the aur aaj is mukaam par kaise pauche,pure university mein shyad hi unse young itna acha teacher ho,kisi bhi topic par unse baat karlo sab kuch pata hai unhe,agar koi bhi problem hai to woe k jhatke me solve kardete hain,jo baatein hum log nahi samaj paate hain un baton ko wo kitni khubsurti se samjhaate hai ki hum logo ko unki baatein maan ni hi padti hain abhi thode hi din pehle ki hi baat hai jab university mein Book fair laga tha unhone hum logo ko bataya ki wo khud ko rok nahi paate hai books kharine ke liye,matlab ki unhe books bahut pasand hai,unki baatein sun kar pata nahi muje kya hogaya or maine bhi book fair se 3 books kharidi jabki muje books padhne ka koi shauk nahi hai,

kya kisi ki life ek teacher ki wajah se change ho sakti hai???????shyad haan,aur shyad nahi bhi.,meri life me ek teacher ki bahut badi bhuumika hai waise sabki life mein koi na koi teacher zarur hota hai fir wo chahe uske maa papa ho,uske friends ho yaa koi aur ho sikhta insaan sabse hai aur sikhne kaa naam hi to zindagi hai………………………

Yeh Rishta

Waise to har roz hum kisi na kisi se milte hain,Raaste me,taxi me,train me,college me, par wo din muje hamesha yaad rahega jab meri mulakaat meri sabse achi dost shubhi chanchal se hui,college campus me

Admission ke waqt,hum log ek hi class me padhte hai,jab maine usse pehli baar dekha to maine soch liya tha ki hum is ladki se dosti zaroor karenge,aur jaisa maine socha tha bilkul waisa hi kiya, aaj hum aur shubhi naa ache dost hai balki ek dusre ko bahut ache se samjhte bhi hain.wo meri galtiya hone par mujhe samjhaati bhi hai,kai baar maine uski baatein nahi suni aur tabhi hume musibaton ka saamna karna pada,

Wo kehte hain naa----------acche dost bahut mush kil se milte hain……………..

“ye dosti hum nahi todenge,todenge dum magar tera saath naa chorenge”

Mujhe shubhi ki kuch baatein bahut pasand hai.

Uska nature aauro se ekdum alag hai,usne jo soch liya hai life me bilkul waisa hi karti hai, use uski soch badalne par koi maj boor nahi kar sakta, apne career ke prati bahut serious hai,meri problem ko wo apni problem samajh kar handle karti hai. yahi saari cheeze hain jiski wajah se hamari dosti itni strong hai.

Waise mujhe bahut baar uski soch pata nahi kaun se zamaane ki lagti hai,par har baar hum galat saabit hote hain,……………………..aakhiri me bus itna kehna chahenge……………………

Kabhi tootne mat dena hamari ye dosti

Pyaar se bhi pyaari Hai ye dosti

Agar ho jaaye humse koi galti

To maaf kardena

Warna hamare to jeene ka sahara hai ye dosti

LIFE..................

Life is like photography,you develop from the negatives